தகவல்களை மின்-அஞ்சலில் பெற !
karaikal ammaiyaar Karaikal lady of angel church karaikal kailasanathaar veethi ula karaikal mosque Title of image Title of image

05-06-2018 அடுத்து வரக்கூடிய சில நாட்களுக்கு தமிழிகம் மற்றும் புதுச்சேரியில் வானிலை எப்படி இருக்கலாம் ?

05-06-2018 நேரம் காலை 10:15 மணி அடுத்த வரக்கூடிய சில நாட்களிலும் தமிழக உள் மாவட்டங்கள் மற்றும் புதுச்சேரியில் ஆங்காங்கே வெப்பசலன மழைக்கு வாய்ப்புகள் உண்டு அதே சமயம் 06-06-2018 ஆகிய நாளை முதல் தென்மேற்கு பருவமழை மேற்கு மாநிலங்களில் தீவிரமடைய தொடங்கலாம் இதனால் அரபிக்கடலை ஒட்டியுள்ள இந்திய மாநிலங்களான கேரளா முதல் மஹாராஷ்டிரா வரை உள்ள கடலோர மாவட்டங்களின்  அநேக பகுதிகளும்  பயனடையலாம்.குறிப்பாக 07-06-2018 ஆம் தேதி ஆகிய நாளை மறுநாள் முதல் குமரிக்கடல் ,அரபிக்கடல் மற்றும் வங்கக்கடல் பகுதிகளில் காற்றின் வேகம் அதிகரிக்க கூடும் குறிப்பாக குமரி மாவட்டம் அருகே உள்ள கடல் பகுதிகளில் மணிக்கு 55 கி.மீ முதல் 65 கி.மீ வரை காற்று வீசக்கூடும் அதே போல தமிழக வட கடலோர மற்றும் தென்கடலோர பகுதிகளுக்கு அருகே உள்ள தென் மேற்கு வங்கக்கடல் பகுதியிலும் காற்றின் வேகம் அதிகரிக்க கூடும் அப்பகுதிகளில் மணிக்கு 50 கி.மீ முதல் 60 கி.மீ வேகம் வரை காற்று வீசக்கூடும்.அடுத்து வரக்கூடிய நாட்களில் மீனவர்கள் கடலுக்குள் செல்வதை தவிர்ப்பது நல்லது இது தொடர்பான எச்சரிக்கைகள் வானிலை ஆய்வு மையத்தால் இன்று அல்லது நாளை பிறப்பிக்கப்படலாம் தமிழகம் மற்றும் புதுச்சேரி மாநிலங்களை சார்ந்த மீனவர்கள் அதன்படி நடப்பது நல்லது.மேலும் 07-06-2018 ஆகிய நாளை மறுநாள் முதல் தமிழக உள் மாவட்டங்களிலும் வட கடலோர மற்றும் தென் கடலோர மாவட்டங்களிலும் மேற்கு திசை காற்றின் வீரியம் அதிகரிக்கக்கூடும் இதனால் மேற்கு திசை காற்றின் வேகமும் அதிகரிக்கலாம் அதே சமயம் அடுத்து வரக்கூடிய நாட்களில் அதாவது 07-06-2018 முதல் தமிழக கடலோர மாவட்டங்களில் குறிப்பாக வட கடலோர மாவட்டங்களில் பகல் நேர வெப்பநிலையானது அதிகரிக்க வாய்ப்புகள் உள்ளது.இது தொடர்பான தகவல்களை கீழே வழங்குகிறேன்.

மேலும் நான் கடந்த பதிவில் தெரிவித்து இருந்தது போல 08-06-2018 ஆம் தேதி அல்லது அதற்கு பிறகு கிட்டத்தட்ட 08-06-2018 ஆம் தேதி வாக்கில் இன்று எடுத்துக்கொள்வோம் வட வங்கக்கடல் பகுதியில் ஒரு குறைந்த காற்றழுத்த தாழ்வு நிலை உருவாக வாய்ப்புகள் இருப்பதாக பல்வேறு மாதிரிகளின் தகவல்களும் தெரிவிகின்றன மேலும் அது வங்கதேச கரையை ஒட்டி நகரலாம் இதன் காரணமாகவும் தமிழக வட கடலோர மாவட்டங்களில் அதற்கு அடுத்து வரக்கூடிய நாட்களிலும் பகல் நேர வெப்பநிலை அதிகரித்து இருக்க கூடிய வாய்ப்புகள் உள்ளது இந்த தருணத்தில் நான் கடந்த ஆண்டு நடந்த ஒரு நிகழ்வை இங்கு பகிர்ந்து கொள்ள விரும்புகிறேன் கடந்த ஆண்டு 01-06-2017 ஆம் தேதி அன்று காரைக்காலில் அதிகபட்சமாக 42.4° செல்சியஸ் வெப்பம் பதிவாகி இருந்தது பதிவேடுகளில் அடிப்படையில் பார்க்கப்போனால் இது வரை காரைக்கால் வரலாற்றிலேயே ஜூன் மாதத்தில் பதிவான அதிகபட்ச வெப்பநிலை அது தான் நான் அப்பொழுது சென்னையில் இருந்தேன் இதை எதற்கு நான் இங்கே பதிவிட விரும்பினேன் என்றால் ஜூன் மாதத்தில் காரைக்காலில் அவ்வளவு அதிகமான வெப்பம் பகல் நேரத்தில் பதிவாகும் என்று யாருமே எதிர்பார்த்திருக்க மாட்டார்கள்.ஆகையால் இயற்கையை பொறுத்தவரையில் இவைகளெல்லாம் நடக்க வாய்ப்பே இல்லை என்று எதுவுமே கிடையாது வாய்ப்பு குறைவு என்று மட்டும் தான் நம்மால் கூற முடியும்.

தற்போதைய இந்த சூழல்களே அடுத்து வரக்கூடிய நாட்களிலும் தொடரும் பட்சத்தில் 08-06-2018  மற்றும் 09-06-2018 ஆகிய தேதிகளில் வட கடலோர மாவட்டங்களின்  அநேக இடங்களிலும் தற்பொழுது நிலவி வரும் வெப்பநிலையுடன் ஒப்பிடுகையில் 2 ° முதல் 3° செல்சியஸ் வரையில் பகல் நேர வெப்பநிலையானது அதிகரிக்க வாய்ப்புகள் உள்ளது.இது தொடர்பான தகவல்களை அடுத்த வரக்கூடிய நாட்களில் உறுதி செய்கிறேன்.

07-06-2018 அல்லது 08-06-2018 ஆம் தேதிகளில் அடுத்து வரக்கூடிய வாரத்திற்கான வானிலை தகவல்களை பதிவிடுகிறேன்.இன்றைய மழைக்கான வாய்ப்புகள் தொடர்பாக பிற்பகலில் பதிவிடுகிறேன்.

மேலும் நான் மேலே குறிப்பிட்டு இருக்கும் தகவல்கள் அனைத்தும் தற்போதைய வானிலை சூழல்களை உள்ளடக்கிய ஓரு கணிப்பு தான் இதில் மாற்றங்கள் ஏதேனும் ஏற்படும் பட்சத்தில் மீண்டும் பதிவிடுகிறேன்.

21-05-2018 அடுத்து வரக்கூடிய சில நாட்களுக்கு தமிழகம் மற்றும் புதுச்சேரியில் வானிலை எப்படி இருக்கலாம்?

21-05-2018 நேரம் பிற்பகல் 3:00 மணி நான் கடந்த எனது பதிவில் குறிப்பிட்டு  இருந்தது போல தென்மேற்கு அரபிக்கடல் பகுதியில் நிலைகொண்டு இருந்த அந்த மேலடுக்கு சுழற்சியானது ஒரு குறைந்த காற்றழுத்த தாழ்வு பகுதியாக  வலு பெற்றது.அது தொடர்பான செயற்கைகோள் புகைப்படங்களையும் இந்த பதிவுடன் இணைக்கிறேன்.அது தற்போது மேலும் தொடர்ந்து வலுவடைந்து வருகிறது அடுத்து  வரக்கூடிய நாட்களில் அது  ஒரு காற்றழுத்த தாழ்வு மண்டலமாக வலு பெற்று ஏமன் நாட்டு தென்கிழக்கு கடற்கரை பகுதிகளை நோக்கி நகர்ந்து செல்ல முற்படலாம் என எதிர்பார்க்கப்படுகிறது மேடன் ஜூலியன் அலைவும் (MJO) தற்பொழுது அதன் ஒன்றாவது கட்டத்தில் ஒன்றுக்கும் அதிகமான வீச்சு அளவை கொண்டு இருப்பதால் இந்த குறைந்த காற்றழுத்த தாழ்வு பகுதி மேலும் வலுவடைவதில் அதுவும் பங்காற்றுகிறது . இதன் காரணமாக அது ஒரு புயலாக உருவெடுக்கவும் அதிக வாய்ப்புகள் உள்ளது.ஆனால் இதனால் தமிழகத்துக்கு எந்த விதமான பாதிப்பும் இருக்காது.அதே போல இதன் காரணமாக நேரடியான மழை வாய்ப்புகள் என்றும் எதுவுமே தமிழகத்துக்கு கிடையாது.இன்னும் சொல்லப்போனால் நான் தொடர்ந்து பதிவிட்டு வருவதைப்போல இனி அந்த காற்றழுத்த தாழ்வு பகுதியின் நகர்வுகள் தொடர்பான கதை நமக்கு அவசியமற்றது.

இலங்கைக்கு தென் கிழக்கே தற்பொழுது வலு குறைந்த மேலடுக்கு சுழற்சி ஒன்று நிலவி வருகிறது இதன் காரணமாகவும் தென் கிழக்கு அரபிக்கடல் பகுதிகளில் மேற்கு திசை காற்று வலு பெற்று வருவதாலும் குமரிக்கடல் ,தென்கிழக்கு அரபிக்கடல் மற்றும் வங்கக்கடல் பகுதிகளில் தொடர்ந்து மழை மேகங்கள் குவிந்து வருகின்றன இதுவும் பருவமழை தொடங்க இருப்பதற்கான அறிகுறிகள் தான்.இன்று முதல் அடுத்து வரக்கூடிய நாட்களில் இலங்கையின் பல இடங்களிலும் இடியுடன் கூடிய மழையை எதிர்பார்க்கலாம் இலங்கை மற்றும் அதனை ஒட்டியுள்ள கடல் பகுதிகளில் தொடர்ந்து கரூ மேகங்களை சூழ்ந்து அப்பகுதிகளில் பருவமழை தொடங்கிவிட்டதற்கான அறிகுறிகளை வெளிப்படுத்த தொடங்கலாம் இந்திய வானிலை ஆய்வு மையம் எதிரிபார்த்து இருந்ததைப் போன்றே இன்னும் இரண்டு நாட்களில் அந்தமான் நிகோபார் தீவுகளிலும் தென்மேற்கு பருவமழை தொடங்கலாம் நமது பக்கத்தில் முன்பு பதிவிட்டு இருந்தது போல இந்த மாத இறுதியில் கேரளாவில் தென்மேற்கு பருவமழை தொடங்கலாம்.

21-05-2018 ஆகிய இன்று முதல் அடுத்த வரக்கூடிய நாட்களிலும் தமிழக மேற்கு ,மேற்கு உள் ,தென் ,தென் உள் , உள் மற்றும் வட உள் மாவட்டங்களில் ஆங்காங்கே இடியுடன் கூடிய மழைக்கு வாய்ப்புகள் உண்டு.மழைக்கான வாய்ப்புகளை அவ்வப்பொழுது பதிவிடுகிறேன்.மேலும் அடுத்து வரக்கூடிய நாட்களில் தென் கடலோர மாவட்டங்களிலும் மழைக்கு வாய்ப்புகள் உண்டு.





14-05-2018 அடுத்து வரக்கூடிய சில நாட்களுக்கு தமிழகம் மற்றும் புதுச்சேரியில் வானிலை எப்படி இருக்கலாம் ?


14-05-2018 நேரம் அதிகாலை 1:15 மணி அடுத்து வரக்கூடிய நாட்களிலும் தமிழிகக்தில் ஆங்காங்கே வெப்பசலன மழைக்கு வாய்ப்புகள் உண்டு கடந்த சில நாட்களுக்கு முன்பு லட்சத்தீவுகளுக்கு அருகே நிலைகொண்டிருந்த மேலடுக்கு சுழற்சியானது தற்பொழுது சோமாலியாவுக்கு கிழக்கே அரபிக்கடல் பகுதியில் நிலைகொண்டுள்ளது அடுத்து வரக்கூடிய நாட்களில் அது வலு பெற்று காற்றழுத்த தாழ்வு பகுதியாக உருமாறி சோமாலியா ,ஏமன் நாட்டு கடல் பகுதிகளை நோக்கி நகர முற்படலாம் செங்கடலை நெருங்க முற்படுகையில் அது முற்றிலும் வலுவிழந்து போக வாய்ப்புகள் உள்ளது . இனி அதன் நகர்வுகள் தொடர்பான தகவல்கள் நமக்கு தேவையற்ற கதைதான் ஆனாலும் அதனை எதற்காக இங்கு நான் குறிப்பிட்டுள்ளேன் என்றால் இனி அந்த மேலடுக்கு சுழற்சியின் காரணமாக தமிழகத்துக்கு நேரடியான பயன்கள் என்று எதுவுமே இருக்கபோவது கிடையாது என்பதனை எடுத்துரைக்க தான் ஆனால் அதன் தாக்கம் அரபிக்கடல் பகுதியில் முற்றிலும் குறையத் தொடங்கிய பிறகு மீண்டும் மாலத்தீவுகள் அருகே 16-05-2018 அல்லது 17-05-2018 ஆம் தேதிகளில் ஒரு மேலடுக்கு சுழற்சி உருவாக வாய்ப்புகள் உள்ளது இதன் காரணமாக காற்று திசை மாற்றம் (Wind Discontinuity) ஏற்பட்டு மீண்டும் தமிழக உட் பகுதிகளில் நல்ல வலுவான மழை பதிவாக வாய்ப்புகள் உள்ளது மேலும் கீழ் திசை காற்றும் மேற்கு திசை காற்றும் மோதிக்கொள்ளும் இடங்களில் காற்று திசை மாற்றம் ஏற்பட்டு (Wind Discontinuity) இடியுடன் கூடிய கனமழை பதிவாகவும் வாய்ப்புகள் உள்ளது.மொத்தத்தில் 17-05-2018 அல்லது அதற்கு பிறகு வரக்கூடிய நாட்களில் நேற்றுடன் தொடங்கியிருக்கும் இந்த வாரத்தில் தமிழகத்தின் மேற்கு ,வட மேற்கு ,வட உள் ,தென் ,தென் மேற்கு ,தென் உள் ,தென் கடலோர மாவட்டங்களில் ஆங்காங்கே நல்ல மழைக்கு வாய்ப்புகள் உண்டு.வட கடலோர மாவட்டங்களை பொறுத்தவரையில் பிறந்திருக்கும் இந்த வாரத்திலும் கடலோர பகுதிகளில் மழைக்கான வாய்ப்புகள் கொஞ்சம் குறைவு தான்.பிற்பகல் வேளையில் கிழக்கு திசைக்காற்றும் கீழ் திசை காற்றும் மோதும் பகுதியான திருவாரூர் மாவட்டத்தில் கடந்த சில நாட்களாக தொடர்ந்து மழை மேகங்கள் உருவாகி வருகின்றன ஆனால் வெப்ப சூழல்களின் காரணமாக அவை விரைவில் வலுவிழந்து விடுகின்றன.பொதுவாக வெப்பசலன மழையை பொறுத்தவரையில் மழைக்கான வாய்ப்புகள் என்பது அப்போதைய சூழல்களை பொறுத்தே அமையும் ஆகையால் மழைக்கான வாய்ப்புகளை அடுத்து வரக்கூடிய நாட்களிலும் அவ்வப்பொழுது பதிவிடுகிறேன்.

இந்திய வானிலையில் தாக்கத்தை ஏற்படுத்தக்கூடிய பெரிய அளவிலான சில அம்சங்கள் குறித்து பார்ப்போம்(Large Scale Factors). 

எல் நினோ தெற்கு அலைவு :
தற்பொழுது பூமத்திய ரேகைக்கு அருகே இருக்கும் பசிபிக் கடலின் கடல் பரப்பு வெப்பநிலையானது இயல்பை விட குறைவாகவே உள்ளது இந்திய பருவமழையில் தாக்கத்தை ஏற்படுத்தக்கூடிய நினோ 3.4 பகுதியின் வெப்பநிலையானது 0.2° C இயல்பை விட குறைவாக உள்ளது கடந்த மாதத்தில் அப்பகுதியின் கடல் பரப்பு வெப்பநிலையானது சற்று உயர்வதற்கு வாய்ப்புகள் இருக்கிறது என்பது போல தோன்றினாலும் மீண்டும் இந்த மாதத்தில் வெப்பநிலை குறைய தொடங்கியிருக்கிறது அடுத்து வரக்கூடிய சில நாட்களுக்கும் லாநினாவுக்கான சூழல்களே நிலவ வாய்ப்புகள் உள்ளது.இந்த மாதத்திற்குள்ளாக எல் நினோ தெற்கு அலைவு ஆனது அதன் நடுநிலையான கட்டத்தை அடைய 50% வாய்ப்புகள் உள்ளது என NOAA அறிக்கையில் குறிப்பிடப்பட்டு இருந்தாலும்.பருவமழை தொடங்கிய பிறகும் சில நாட்களுக்கு லா -நினாவுக்கான சூழல்கள் தொடரவும் வாய்ப்புகள் உள்ளது.

மேடன் - ஜூலியன் அலைவு :
மேடன் - ஜூலியன் அலைவு ஆனது தற்பொழுது அதன் முதல் கட்டத்தில் உள்ளது அடுத்து வரக்கூடிய நாட்களில் அதன் வீச்சு அளவு அதிகரிக்க வாய்ப்புகள் உள்ளதாக இந்திய வானிலை ஆய்வு மையம் வெளியிட்டு இருக்கும் அறிக்கையில் தெரிவிக்கப்பட்டு உள்ளது ஆனால் பல சர்வதேச மாதிரிகளின் கூற்றுப்படி அடுத்து வரக்கூடிய நாட்களில் அதன் வீச்சு அளவு குறைய வாய்ப்பு உள்ளதாக தெரிகிறேது.சில மாதிரிகள் குறைந்த வீச்சு அளவுடன் வரக்கூடிய வாரத்தில் இது இரண்டாவது கட்டத்துக்கு வருவதற்கும் வாய்ப்புகள் இருப்பதாக தெரிவிக்கின்றன MJO வின் நகர்வுகளை பொறுத்திருந்து பார்ப்போம்.மேலும் கடந்த 2017 நவம்பர் மாதம் முதல் 2018 மார்ச் மாதம் வரை உள்ள காலகட்டத்தில் மேடன் - ஜூலியன் அலைவு அதன் மூன்றாவது கட்டத்தில் இருந்த பொழுதும் தென் இந்தியாவிற்கு அருகே உள்ள அரபிக்கடல் மற்றும் வங்கக்கடல் பகுதிகளில் மழையின் அளவு அதிகரித்ததற்கான சான்றுகள் உள்ளன.

இந்திய பெருங்கடல் இருதுருவம் (Indian Ocean Dipole):
இந்திய பெருங்கடல் இருதுருவம் (Indian Ocean Dipole) ஆனது அதன் நடுநிலையான கட்டத்தில் உள்ளது அடுத்து வரக்கூடிய நாட்களிலும் இதே நிலையே தொடரலாம்.

நான் முன்கூட்டியே தொடர்ந்து பதிவிட்டு வருவது போல தற்போதைய சூழல்கள் அனைத்தும் சிறந்ததொரு தென்மேற்கு பருவழைக்கு சாதகமாக உள்ளன.இதனால் தமிழகம் எந்த அளவுக்கு பலன் பெரும் என்பதனை பொறுத்து இருந்து தான் பார்க்க வேண்டும்.எதுவாயினும் முன்கூட்டியே நான் பதிவிட்டு விடுவேன்.

நான் மேலே குறிப்பிட்டு இருக்கும் தகவல்கள் மற்றும் வாய்ப்புகள் அனைத்தும் தற்போதைய வானிலை சூழல்களை அடிப்படையாக கொண்ட ஒரு கணிப்பு தான்.இதில் ஏதாவது மாற்றங்கள் ஏற்படும் பட்சத்தில் மீண்டும் பதிவிடுகிறேன்.

எல் -நினோ மற்றும் லா - நினா எப்படி ஏற்படுகிறது அதனால் என்னென்ன மாற்றங்கள் ஏற்படும் வால்கர் சுழற்சி என்றால் என்ன என்பதை போன்ற தகவல்களை எளிமையான தமிழில் அறிய - https://goo.gl/SDiQfL
எல்நினோ மற்றும் லா நினா குறித்த அடிப்படை தகவல்களை தமிழில் அறிய - https://goo.gl/n4vHby
இந்திய பெருங்கடல் இருதுருவம் (Indian Ocean Dipole) குறித்த விரிவான தகவல்களை தமிழில் அறிய - https://goo.gl/XmfuBT


2018 ஆம் ஆண்டு தென்மேற்கு பருவமழை ஆனது எப்பொழுது தொடங்கலாம் மற்றும் மழையின் அளவு எப்படி இருக்கலாம் ?

நிகழும் 2018 ஆம் ஆண்டின் தென்மேற்கு பருவமழை அளவு தொடர்பாக சர்வேதேச தனியார் வானிலை முன் அறிவிப்பு தளங்கள் பலவும் தங்களது கணிப்புகளை முன்கூட்டியே வழங்கிவிட்ட நிலையில் இந்திய வானிலை ஆய்வு மையமும் சில தினங்களுக்கு முன் தென்மேற்கு பருவமழை தொடர்பாக ஒரு அறிக்கையை வெளியிட்டு இருந்தது அதில் இயல்பான அளவு பருவமழையை இந்த ஆண்டு எதிர்பார்க்கலாம் என்பதை போன்ற தங்கவல்கள் இடம்பெற்று இருந்தன.

2018 ஆம் ஆண்டில் தென்மேற்கு பருவமழை எப்பொழுது தொடங்கலாம் மற்றும் மழையின் அளவு எப்படி இருக்கலாம் என்பது தொடர்பான (Puducherry Weather ) நமது பக்கத்தின் கணிப்புகள் குறித்து பார்ப்போம்.

எல்நினோ தெற்கு அலைவு (el-nino Southern Oscillation) ஆனது  லாநினாவுக்கான கட்டத்தில் இருந்த சற்று முன்பாகவே தனது நடுநிலையான கட்டத்தை எட்டிவிடலாம் என்று நாம் எதிர்பார்த்து வந்த நிலையில் இன்னமும் பூமத்திய  ரேகைக்கு அருகே உள்ள பசிபிக் கடலின் அநேக இடங்களிலும் கடல் பரப்பு வெப்பநிலையானது இயல்பை விட குறைவாகவே உள்ளது இந்திய பருவமழையின் அளவில் அதிக தாக்கத்தை ஏற்படுத்தக்கூடிய பசிபிக் கடல் பரப்பின் மத்திய பகுதியான அதாவது நினோ 3.4 பகுதியின்  கடல் பரப்பு வெப்பநிலையானது இயல்பை விட தற்பொழுது 0.2° C குறைவாகவே  உள்ளது ஆனாலும் இது முன்பை விட மெல்ல மெல்ல அதிகரித்து கொண்டே வ்ருகிறது என்பதில் மாற்றுக்கருத்தே கிடையாது அதே போல நினோ 4 பகுதியை தவிர நினோ 3 , நினோ 3.4 மற்றும் நினோ 1+2 என பிற பகுதிகள் அனைத்திலும் கடல் பரப்பு வெப்பநிலையானது தொடர்ந்து குறைவாகவே இருந்து வருகிறது இந்த பகுதிகள் தொடர்பாக நான் ஏற்கனவே நமது பக்கத்தில் பல முறை பதிவிட்டு உள்ளேன் புதிதாக நமது பக்கத்தில் இணைந்தவர்களும் சுலபமான வகையில் அதனை இனம்காணும் வகையில் இந்த பதிவுடனும் அந்த பகுதிகள் தொடர்பான ஒரு படத்தை இணைக்கிறேன்.கடந்த 23-04-2018 ஆம் தேதியன்று NOAA வால் வெளியிடப்பட்ட அறிக்கையின்  படி நிகழும் ஆண்டின் ஏப்ரல் மற்றும் மே மாத காலகட்டத்தில் எல்நினோ தெற்கு அலைவு ஆனது அதனுடைய நடுநிலையான கட்டத்தை அடைய 50% வாய்ப்பு இருப்பதாக தெரிவிக்கப்பட்டு உள்ளது அவ்வாறு கேரளாவில்  தென்மேற்கு பருவமழை தொடங்குவதற்கு முன்னதாகவே  அது அதன் நடுநிலையான கட்டத்தை அடைந்து விட்டாலும் கூட இயல்பான அளவிலான தென் மேற்கு பருவமழைக்கு வாய்ப்புகள் அதிகம் உள்ளது.எல்நினோ மற்றும் லா நினா குறித்த அடிப்படை தகவல்களை தமிழில் அறிய - https://goo.gl/n4vHby
எல் -நினோ மற்றும் லா - நினா எப்படி ஏற்படுகிறது அதனால் என்னென்ன மாற்றங்கள் ஏற்படும் வால்கர் சுழற்சி என்றால் என்ன என்பதை போன்ற தகவல்களை எளிமையான தமிழில் அறிய - https://goo.gl/SDiQfL



இரண்டாவதாக நாம் முக்கியமாக கணக்கில் எடுத்துக் கொள்ளக்கூடிய  விஷயங்களில் ஒன்று அரபிக்கடல் மற்றும் வங்கக்கடல் பகுதிக்கு அருகே உள்ள இந்திய பெருங்கடலின் பூமத்திய ரேகைக்கு அருகே ஏற்படக்கூடிய வெப்பநிலை வேறுபாடுகள் அதாவது கிழக்கு மற்றும் மேற்கு இந்திய பெருங்கடலின் கடல் பரப்பில் ஏற்படக்கூடிய வெப்பநிலை வேறுபாடுகள் இதனை இந்திய பெருங்கடல் இருதுருவம் (Indian Ocean Dipole) என்று வழங்குவார்கள் பொதுவாக இந்திய பெருங்கடல் இருதுருவம் (IOD) ஆனது அதன் நேர்மறையான கட்டத்தில் அதாவது Positive Phase இல் இருந்தால் அது தென்மேற்கு பருவமழைக்கு சாதகமான சூழலாக கருதப்படுகிறது இந்த கட்டத்தில் பூமத்திய ரேகைக்கு அருகே இந்திய பெருங்கடல் மேற்கு பகுதியின் கடல் பரப்பு வெப்பநிலையானது இயல்பை விட 0.5 ° C அல்லது அதற்கு அதிகமாக இருக்கும் இதன் காரணமாக மேற்கு திசை காற்று வலு பெரும்.இந்திய பெருங்கடல் இருதுருவம் (Indian Ocean Dipole) குறித்த விரிவான தகவல்களை தமிழில் அறிய - https://goo.gl/XmfuBT

இந்திய பெருங்கடல் இருதுருவமானது (Indian Ocean Dipole) தற்பொழுது அதன் நடுநிலையான (Neutral Phase) கட்டத்தில் உள்ளது பருவமழை தொடங்கிய பின்னர் ஜூலை மாத்திற்கு பிறகு இந்திய பெருங்கடல் இருதுருவமானது (Indian Ocean Dipole) ஆகஸ்ட் அல்லது அக்டொபர் மாதத்தில் அதன் எதிர்மறையான கட்டத்தை (Negative Phase) அடைய வாய்ப்பு இருப்பதாக சில மாதிரிகள் தெரிவித்து வருகின்றன அதன் இந்த நிலை குறித்து சில நாட்கள் கடந்த பிறகு தான் உறுதியாக தெரியவரும்.

மூன்றாவதாக நாம் கணக்கில் எடுத்துக்கொள்ள வேண்டியது மேடன் ஜூலியன் அலைவு  (MJO).மேடன் ஜூலியன் அலைவு (Madden Julian Oscillation ) தொடர்பாக நாம் ஏற்கனவே பல முறை நமது பக்கத்தில் விவாதித்து இருக்கிறோம் சாதகமான சூழல்கள் நிலவி வருகையில் அது அதனுடைய இரண்டாவது கட்டத்துக்கு வருகையில் கண்டிப்பாக பருவமழையின் அளவில் குறிப்பிடத்தக்க தாக்கத்தை ஏற்படுத்தலாம்.MJO வின் நகர்வுகள் குறித்து நான் அவ்வப்பொழுது நமது பக்கத்தில் பதிவிடுகிறேன்.

தென்மேற்கு பருவமழை எப்பொழுது தொடங்கலாம் ?
நான் முன்பு பதிவிட்டு இருந்தது போல அந்தமானுக்கு அருகே தற்பொழுது ஒரு குறைந்த காற்றழுத்த தாழ்வு நிலை நிலவி வருகிறது மேற்கு மியன்மர் அருகே தற்பொழுது நிலவி வரும் உயர் அழுத்தத்தின் காரணமாக இந்த காற்றழுத்த தாழ்வு நிலையானது மேலும் வலு பெற வாய்ப்பு குறைவே அதே சமயம் அதன் காரணமாகவும் அது வலுவிழக்க முற்படும் பொழுதும் மியான்மர் மற்றும் தாய்லாந்து நாடுகளில் மழை பொழிவு அதிகரிக்கலாம் அந்த குறைந்த காற்றழுத்த தாழ்வு நிலை முற்றிலும் வலுவிழந்த பிறகும் அந்தமான் நிகோபார்  மற்றும் அதன் அருகே உள்ள வங்கக்கடல் பகுதியில் அவ்வப்பொழுது மழை மேகங்கள் திரள தொடங்கலாம் இது பருவமழை தொடங்குவதற்கான முற்கால அறிகுறி தான் இதே சூழல்கள் தொடர்ந்தாள் அந்தமான் நிகோபார் தீவுகளில் 10-05-2018 முதல் 20-05-2018 வரையிலான நாட்களில் ஏதேனும் ஒரு நாளில் தென்மேற்கு பருவமழை தொடங்கியதாக அறிவிக்கப் படலாம் குறிப்பாக 13-05-2018 ஆம் தேதி முதல் 18-05-2018 ஆம் தேதி வரை உள்ள நாட்களில் ஏதேனும் ஒரு நாளில் அந்தமான் நிகோபார் தீவுகளில் தென்மேற்கு பருவமழை தொடங்கியதாக அறிவிக்கப்பட  அதிக வாய்ப்புகள் உள்ளது கேரளாவை பொறுத்தவரையில் அந்தமானில் பருவமழை தொடங்கிய அடுத்த 10 முதல் 15 நாட்களுக்கு பின்னர்  கேரளாவில் பருவமழை தொடங்கலாம் அதன் அடிப்படையில் பார்க்கப்போனால் கேரளாவில் 26-05-2018 முதல் 01-06-2018 ஆம் தேதி வரை உள்ள நாட்களில் ஏதேனும் ஒரு நாளில் தென்மேற்கு பருவமழை தொடங்கிவிட்டதாக அறிவிக்கப்படலாம் அதேபோல் 10-06-2018 ஆம் தேதிக்கு பிறகு இந்திய தெற்கு தீபகற்ப பகுதிகள்  (Southern Peninsular Region ) முழுவதிலும் தென்மேற்கு பருவமழை தொடங்கலாம்.

மாநிலம் /பகுதி   வாரியாக    தென்மேற்கு பருவமழை எப்பொழுது தொடங்கலாம்

அந்தமான் நிக்கோபார்  -------------->  13-04-2018 முதல் 18-04-2018

கேரளா -------------->   26-05-2018 முதல் 01-06-2018


தென்மேற்கு பருவமழை எப்பொழுது தொடங்க வாய்ப்பு இருக்கிறது என்று என்னுடைய கணிப்பை கூறி விட்டேன் மழையின் அளவு எப்படி இருக்கலாம் என்று கூறவில்லையே இதோ இப்பொழுது கூறுகிறேன் தென்மேற்கு பருவமழைக்கு சாதகமான சூழல்களே தற்பொழுது நிலவி வந்தாலும் ஜூலை மாத இறுதி மற்றும் ஆகஸ்ட் மாதத்தில் ஏற்பட வாய்ப்புகள் இருக்கும் மாற்றங்கள் தொடர்பான விஷயங்களையும் நாம் கணக்கில் எடுத்துக்கொள்ள வேண்டும் மேலும் எனக்கு பிடித்த முறையில் ஒன்று ஒப்பீடு முறை இந்த ஒப்பீடு முறையை பயன்படுத்தி தான் வெப்பநிலை வேறுபாடுகளை நமது பக்கத்தில் தொடர்ந்து பதிவிட்டு வருகிறேன் அதே போல தற்போதைய சூழல்களையும் கடந்த கால நிகழ்வுகளையும் ஒப்பிட்டு பார்க்கையில் நிகழும் 2018 ஆம் ஆண்டின் தென்மேற்கு பருவமழை காலகட்டத்தில் தமிழகத்தில் ஒட்டு மொத்தமாக 300 மி.மீ முதல் 330 மி.மீ அளவு வரை மழை பதிவாகலாம் இது கிட்டத்தட்ட இயல்பான அளவு தான்.



மேலும் நான் மேலே குறிப்பிட்டு இருக்கும் தகவல்கள் யாவும் தற்போது நிலவி வரும் சூழல்களை உள்ளடிக்கிய ஒரு கணிப்பு தான் இதில் மாற்றங்கள் ஏதேனும் ஏற்படும் பட்சத்தில் மீண்டும் பதிவிடுகிறேன்.


07-04-2018 தமிழகம் மற்றும் புதுச்சேரியில் அடுத்து வரக்கூடிய வாரத்தில் வானிலை எப்படி இருக்கலாம் ?


07-04-2018 நேரம் அதிகாலை 1:55 மணி அடுத்து வரக்கூடிய வாரத்தில் தமிழகம் மற்றும் புதுச்சேரியில் வானிலை எப்படி இருக்கலாம் என்பதனை பார்ப்பதற்கு முன் இந்திய வானிலை ஆய்வு மையம் கடந்த 05-04-2018 அன்று  வெளியிட்டிருக்கும் அறிக்கையில் குறிப்பிட்டுள்ள பெரிய அளவிலான அம்சங்கள் குறித்து பார்ப்போம் (Large Scale Factors).

  • தற்பொழுது பசிபிக் கடலின் சமவெளிப்பரப்பில் லா- நினா வுக்கான சூழல்கள் நிலவி வருகின்றன. Monsoon Mission Climate Forecast System (MMCFS) மாதிரிகளின் முன்னறிவிப்புகளின் படி அடுத்து வரக்கூடிய வாரத்திலேயும் இதே நிலையே தொடரலாம்.
  • மேடன் - ஜுலியன் அலைவு ஆனது தற்பொழுது அதன் எட்டாவது கட்டத்தில் ஒன்றுக்கும் அதிகமான வீச்சு அளவுடன்  உள்ளது அடுத்து வரக்கூடிய வாரத்திலும் இதே அதன் எட்டாவது கட்டித்தேலேயே தொடரலாம் (என்னை பொறுத்தமட்டில் அடுத்த இரண்டு அல்லது மூன்று நாட்களில் மேடன் - ஜுலியன் அலைவு ஆனது அதன் ஒன்றாவது கட்டத்தை அடையலாம் மேலும் இந்த மாத மத்தியில் அது குறைவான வீச்சு அளவுடன் இரண்டாவது கட்டத்துக்கு வரலாம் ).
  • இந்திய பெருங்கடல் இருமுனையானது (Indian Ocean Dipole) தற்பொழுது அதன் நடுநிலையான கட்டத்தில் உள்ளது.
நான் இதற்கு முந்தைய பதிவுகளில் வெப்பநிலை குறைவு மற்றும் மழை தொடர்பான தகவல்களை பதிவிட்டு இருந்திருந்தேன்.அதாவது நிகழும் 2018 ஆம் ஆண்டின் ஏப்ரல் மாதத்தில் தமிழகம் மற்றும் புதுச்சேரியின் பல இடங்களில் இயல்பான பகல் நேர வெப்பநிலை அளவை காட்டிலும் சராசரியாக 0.5° முதல் 1.0° செல்சியஸ் வரையில் குறைவான வெப்பநிலையே பதிவாக வாய்ப்பு இருப்பதாக  தெரிவித்து இருந்தேன்.அதன்படி தமிழகம் மற்றும் புதுச்சேரியை பொறுத்தமட்டில் நிகழும் 2018 ஆம் ஆண்டு  கடந்த சில ஆண்டுகளை போல அல்லாமல் ஏப்ரல் மாதத்தில் அவ்வப்பொழுது மழைக்கான வாய்ப்புகளை அள்ளி வழங்கும் ஆண்டாக அமைய அதிக வாய்ப்புகள் உள்ளது.அடுத்து பிறக்க இருக்கும் வாரத்தில் தமிழகத்தின் பல இடங்களிலும் அவ்வப்பொழுது இடியுடன் கூடிய மிதமான மழைக்கு வாய்ப்புகள் உண்டு ஆங்காங்கே ஆலங்கட்டி மழைக்கும் வாய்ப்புகள் உள்ளது இதன் காரணமாக பகல் நேர வெப்பநிலையானது இதற்கு முன்பு நிலவி வந்ததை விட மெல்ல மெல்ல குறைய தொடங்கலாம் அல்லது இதே பகல் நேர வெப்பநிலையே அடுத்து வரக்கூடிய நாட்களிலும் தொடரலாம். வெப்பநிலை மாறுபாடுகள் தொடர்பாக நமது பக்கத்தில் தினமும் அவ்வப்பொழுது பதிவிட முயற்சிக்கிறேன்.

07-04-2018 (இன்று ) மற்றும் 08-04-2018 (நாளை ) தமிழகத்தில் ஆங்காங்கே ஓரிரு இடங்களில் இடியுடன் கூடிய லேசான மழைக்கு வாய்ப்புகள் உண்டு.மழைக்கு வாய்ப்பு இருக்கும் மாவட்டங்கள் / பகுதிகள் தொடர்பாக இன்று பிற்பகலில் பதிவிடுகிறேன்.புதுச்சேரி மற்றும் காரைக்கால் மாவட்டங்களை பொறுத்தவரையில் இன்று வானம் அவ்வப்பொழுது மேக மூட்டத்துடன் காணப்படலாம்.தமிழகத்தின் அணைத்து கடலோர மாவட்டங்களிலும் கடலோர பகுதிகளில் இன்று வானம் அவ்வப்பொழுது மேக மூட்டத்துடன் காணப்படலாம் மேலும் இன்று முதல் இந்தியாவின் அஸ்ஸாம் , மேற்குவங்கம் , ஒரிசா , பீஹார் , உத்திரபிரதேசம் உள்ளிட்ட வடகிழக்கு மற்றும் வட மாநிலங்களிலும் மழையின் அளவு அதிகரிக்க தொடங்கலாம்.

நிகழும் 2018 ஏப்ரல் மாதத்தில் அடுத்து பிறக்க இருக்கும் வாரத்தில் தமிழகத்தின் பல இடங்களிலும் இடியுடன் கூடிய மழைக்கு வாய்ப்புகள் உண்டு. 09-04-2018 அல்லது 10-04-2018 ஆம் தேதி முதல் தமிழகம் மற்றும் புதுச்சேரியில் மழையின் அளவு அதிகரிக்க தொடங்கலாம் அதன் பிறகு வட கடலோர , உள்  ,தென் , தென் கடலோர , மேற்கு மற்றும் வட உள் மாவட்டங்களிலும் ஆங்காங்கே இடியுடன் கூடிய ஆலங்கட்டி மழைக்கு வாய்ப்புகள் உருவாகலாம்.

மழைக்கான வாய்ப்புகளை அவ்வப்பொழுது பதிவிட முயற்சிக்கிறேன். அனைவருக்கும் எனது அதிகாலை நேர வணக்கங்களை தெரிவித்து கொள்கிறேன்.

மேலும் நான் மேலே குறிப்பிட்டுள்ள மழைக்கான வாய்ப்புகள் அனைத்தும் தற்போதைய வானிலையை உள்ளடக்கிய ஒரு கணிப்பு தான் .இதில் மாற்றங்கள் ஏற்படும் பட்சத்தில் மீண்டும் பதிவிடுகிறேன்.


11-03-2018 இன்று காலை இலங்கைக்கு தெற்கே இந்திய பெருங்கடலில் உருவானது குறைந்த காற்றழுத்த தாழ்வு நிலை - இலங்கை மற்றும் தமிழக தென் மாவட்டங்களில் மழைக்கான வாய்ப்புகள் - மீனவர்களுக்கான எச்சரிக்கை

11-03-2018 நேரம் காலை 10:30 மணி நாம் எதிர்பார்த்ததை விட முன்பாகவே இலங்கைக்கு தெற்கே இந்திய பெருங்கடலில் குறைந்த காற்றழுத்த தாழ்வு நிலை இன்று காலை உருவானது இது இன்று மேலும் வலு பெற்று ஒரு வலுவான குறைந்த காற்றழுத்த தாழ்வு பகுதி (Well marked Low Pressure Area ) என்கிற நிலையை அடையலாம் 12-03-2018 (நாளை) அல்லது 13-03-2018 (நாளை மறுநாள்) நான் முன்பு பதிவிட்டு இருந்தது போல மாலத்தீவு அருகே இது ஒரு காற்றழுத்த தாழ்வு மண்டலமாக உருவெடுக்கலாம் பின்னர் அது வட - வட மேற்கு திசையில் அரபிக்கடல் பகுதியை நோக்கி நகர முற்படலாம். இதனால் தமிழகத்தில் மழைக்கான வாய்ப்புகளை தவிர வேறு எந்த விதமான பாதிப்புகளும் வாய்ப்புகள் கிடையாது மேலும் தற்போதைய இந்த சூழலில் காற்றழுத்த தாழ்வு மண்டலம் தமிழகத்தை நெருங்க துளியும் வாய்ப்புகள் இல்லை.

மீனவர்களுக்காக எச்சரிக்கை :
அடுத்த சில நாட்களுக்கு குறிப்பாக செவ்வாய்க்கிழமை வரை வட தமிழகம் மற்றும் புதுச்சேரியின் கடலோர மாவட்டங்களை சார்ந்த மீனவர்கள் கடலுக்கு செல்கையில் கவனமாக இருப்பது நல்லது குறிப்பாக  தென்தமிழகத்தின்  கடலோர பகுதிகளை சார்ந்த மீனவர்கள் அடுத்த 2 நாட்களுக்கு கடலுக்குள் செல்லாமல் இருப்பது மிகவும் நல்லது.தென் கடலோர மாவட்டங்களை ஒட்டியுள்ள கடல்  பகுதிகளில் மணிக்கு 45 முதல் 55 கி.மீ வேகத்தில் காற்று வீசக்கூடும் அந்த குறைந்த காற்றழுத்த தழுவு நிலையானது மேலும் வலுப்பெற வாய்ப்புகள் இருப்பதால் ஒரு சில இடங்களில் காற்றின் வேகம் மேலும் அதிகரிக்கலாம்.மன்னர் வளைகுடாவை ஒட்டியுள்ள கடலோர பகுதிகளில் வடகிழக்கு மற்றும் கிழக்கு திசையிலிருந்து மணிக்கு 35 முதல் 45 கி.மீ வரை காற்று வீசக்கூடும்.

நான் முன்பு பதிவிட்டு இருந்தது போல இன்று தமிழகத்தில் குறிப்பிட்டு சொல்லும்படியான மழைக்கான வாய்ப்புகள் எதுவும் இல்லை.நாளை தமிழக தமிழக தென் கடலோர மற்றும் தென் மாவட்டங்களில் மழைக்கு வாய்ப்புகள் உண்டு அதன் பிறகான மழைக்கான வாய்ப்புகள் அந்த காற்றழுத்த தாழ்வு நிலையின் நகர்வுகளை பொறுத்ததே.தமிழகத்தில் எந்தெந்த மாவட்டங்களில் மழைக்கான வாய்ப்புகள் உள்ளது என்பது தொடர்பாக இன்று பிற்பகல் அல்லது மாலை வேளையில் பதிவிடுகிறேன்.


11-03-2018 அடுத்து வரக்கூடிய சில நாட்களில் தமிழகம் மற்றும் புதுச்சேரியில் வானிலை எப்படி இருக்கலாம் ?

11-03-2018 நேரம் அதிகாலை 2:40 மணி தமிழகம் மற்றும் புதுச்சேரியில் அடுத்து வரக்கூடிய சில நாட்களில் வானிலை எப்படி இருக்கலாம் என்பதை பார்ப்பதற்கு முன்பு 08-03-2018 அன்று இந்திய வானிலை ஆய்வு மையும் வெளியிட்டு இருந்த அறிக்கையில் குறிப்பிடப்பட்டு இருக்கும் சில முக்கிய அம்சங்கள் குறித்து பார்க்கலாம் (Large Scale Features).
  • லா - நினாவுக்கான சூழல்களில் சரிவு ஏற்பட்டு உள்ளது கடந்த இரண்டு வாரங்களாக மத்திய பசிபிக் கடல் பரப்பின் வெப்பநிலை அதிகரித்து வருகிறது இது எல் - நினோ தெற்கு அலைவு ஆனது அதன் நடுநிலையான கட்டத்தை எட்டுவதற்கான அறிகுறி.
  • மேடன் ஜூலியன் அலைவு (Madden Julian Oscillation) ஆனது அதன் 3 வது கடத்தில்(phase) ஒன்றுக்கும் சற்று அதிகமான வீச்சு(amplitude) அளவை கொண்டுள்ளது அடுத்து வரக்கூடிய சில நாட்களிலும் சற்று பலவீனமான வீச்சு அளவுடன் இது 3வது கட்டத்திலேயே (phase) தொடரலாம்.
  • இந்திய பெருங்கடல் இருமுனை (அ ) இருதுருவம் (Indian Ocean Dipole) ஆனது தற்பொழுது அதன் நடுநிலையான கட்டத்தில் உள்ளது
  • நடு-அட்சரேகை சுழற்சி முறை (Mid-latitude Circulation Pattern) தற்பொழுது அதன் உயர் குறியீட்டு (High Index ) கட்டத்தில் உள்ளது.

தற்பொழுது இலங்கைக்கு தெற்கே இந்திய பெருங்கடலில் குறைந்த காற்றழுத்தத்தின் அகடு (Trough) ஒன்று உள்ளது.இதன் காரணமாக இன்று காலை முதலே இலங்கையின் தென்கிழக்கு மற்றும் தெற்கு மாகாணங்களில் நல்ல மழைக்கு வாய்ப்புகள் உண்டு. இதே வானிலையே தொடரும் பட்சத்தில் இன்று நள்ளிரவு அல்லது 12-03-2018 (நாளை) அன்று இலங்கைக்கு தென்மேற்கு திசையில் மாலத்தீவுக்கு கிழக்கே குறைந்த காற்றழுத்த தாழ்வு நிலை உருவாகலாம் நான் இதற்கு முந்தைய பதிவில் பதிவிட்டு இருந்தது போலவே அந்த குறைந்த காற்றழுத்த தாழ்வு நிலையானது இலங்கைக்கு தென்மேற்கு திசையில் இருந்து காற்றினை இழுக்க முற்படுவதால் மன்னார் வளைகுடாவை ஒட்டியுள்ள தமிழக கடலோர பகுதிகளில் மழைக்கான வாய்ப்புகள் உருவாகலாம் நாகை உள்ளிட்ட ஒரு சில வட கடலோர மாவட்டங்களும் இதனால் பயன்பெறலாம் ஆனால் வடகடலோர மாவட்டங்களின் மழைக்கான வாய்ப்புகளை 100% உறுதித்தன்மையுடன் இப்பொழுதே கூறுவது கடினம்.பின்னர் அந்த காற்றழுத்த தாழ்வு நிலையானது வலு பெற்று மேற்கு - வட மேற்கு திசையில் நகர முற்படலாம் இதனால் தென் தமிழகத்தில் குமரி , நெல்லை , தூத்துக்குடி உள்ளிட்ட மாவட்டங்களில் மழைக்கு வாய்ப்புகள் உருவாகும்.தற்போதைய சூழலில் அது மேலும் வலு பெற்று வட மேற்கு திசையில் நகர்ந்து அரபிக்கடலை அடைய வாய்ப்பு இருப்பதாகவும் தெரிகிறது அவ்வாறு நடந்தால் அதன் நகர்வுகளுக்கு ஏற்ப மேற்கு மாவட்டங்கள் உட்பட தமிழகத்தின் பிறபகுதிகளிலும் மழைக்கு வாய்ப்புகள் உருவாகும் ஆனால் அனைத்து வாய்ப்புகளும் அந்த காற்றழுத்த தாழ்வு நிலையின் நகர்வுகளை பொறுத்து மாற்றங்களுக்கு உரியதே ஆகையால் இதைப்போன்ற தருணங்களில் மாதிரிகளை 100% நம்பி இப்படி தான் நடக்கப் போகிறது என்று உறுதியாக கூறுவது ஏற்புடையது அல்ல அதனால் அந்த குறைந்த காற்றழுத்த தாழ்வு நிலையின் நகர்வுகளை பொறுத்து மழைக்கான வாய்ப்புகளை அவ்வப்பொழுது பதிவிடுகிறேன்.

11-03-2018 தமிழகத்தில் இன்றும் வறண்ட வானிலையே தொடரும் கடலோர மாவட்டங்களில் காலை நேரத்தில் வானம் அவ்வப்பொழுது மேகமூட்டத்துடன் காணப்படலாம் மழைக்கான வாய்ப்புகள் இல்லை திருச்சி , தஞ்சை ,திருவாரூர் உள்ளிட்ட டெல்டா மாவட்டங்களிலும் காலை நேரத்தில் வானம் அவ்வப்பொழுது மேகமூட்டத்துடன் காணப்படலாம் இன்றும் ஈரோடு உட்பட ஈரோடு மாவட்டத்தின் சில இடங்களில் 100° பாரன்ஹீட்டுக்கும் அதிகமான அளவு வெப்பம் பகல் நேரத்தில் பதிவாகலாம் கோவை , நாமக்கல் ,சேலம் ,மதுரை , நெல்லை ,விருதுநகர் , கரூர் , திருப்பூர் மற்றும் தர்மபுரி மாவட்டங்களிலும் அநேக இடங்களில் 93° முதல் 98° பாரன்ஹீட் வரை பகல் நேரத்தில் வெப்பம் பதிவாகலாம்.

11-03-2018 புதுச்சேரி மற்றும் காரைக்கால் மாவட்டங்களை பொறுத்தவரையில் காலை நேரத்தில் வானம் அவ்வப்பொழுது மேகமூட்டத்துடன் காணப்படும் பகல் நேரத்தில் அதிகபட்சமாக 30° முதல் 32° செல்சியஸ் வரையில் வெப்பம் பதிவாகலாம்.

மீனவர்களுக்கான எச்சரிக்கை  :

அடுத்த சில நாட்களுக்கு தமிழகத்தின் கடலோர பகுதிகளில் உள்ள மீனவர்கள் கடலுக்கு செல்கையில் கவனமாக இருப்பது நல்லது குறிப்பாக  தென்தமிழகத்தின்  கடலோர பகுதிகளை சார்ந்த மீனவர்கள் கடலுக்கு அடுத்த 2 நாட்களுக்கு கடலுக்கு செல்லாமல் இருப்பது மிகவும் நல்லது.தென் கடலோர மாவட்டங்களின் கடலோர பகுதிகளில் மணிக்கு 40 முதல் 50 கி.மீ வேகத்தில் காற்று வீசக்கூடும் நாளை இரவு அல்லது அதற்கு பிறகு அந்த குறைந்த காற்றழுத்த தாழ்வு நிலையானது காற்றழுத்த தாழ்வு மண்டலமாக வலு பெற வாய்ப்புகள் உள்ளதால் சில நேரங்களில் தென்தமிழக கடல் பகுதிகளில் மணிக்கு 60 கி.மீ வரையிலும் காற்று வீசக்கூடும்.


Related Posts Plugin for WordPress, Blogger...