தகவல்களை மின்-அஞ்சலில் பெற !
karaikal ammaiyaar Karaikal lady of angel church karaikal kailasanathaar veethi ula karaikal mosque Title of image Title of image

சசிகலாவுக்கு ஏன் இவ்வளவு எதிர்ப்பு ?

சசிகலா ஏன் தமிழக முதல்வர் ஆகக்கூடாது ? இந்த கேள்வியை எதிர்ப்பு தெரிவிக்கும் கூட்டத்திடம் கேட்டால் அவர்கள் கூறும் பதில்கள் யாவும் மிகக் குழந்தைத் தனமாக உள்ளன.நாமாக பேசுவது வேறு பிறர் கூறியதை நம் கருத்துப்போல் பேசுவது வேறு .சசிகலாவுக்கு எதிராக சமூக வலைத்தளங்களில் கூறப்படும் எதிர்ப்புகள் எல்லாம் பிறர் கூறியதை நம் கருத்துப்போல் பேசுவது என்கின்ற ரகம் தான்.

இன்றைய சூழலில் ஒரு அரசியல் கட்சி நடத்த என்னென்ன தேவை ? இந்த கேள்வியை ஒருவரிடம் கேட்கிறோம் என்று வைத்துக் கொள்வோம் அதற்கு கொள்கை,தியாகம்,நேர்மை என பதில் கூறுபவர்கள் மட்டும்தான் சசிகலாவின் தகுதியை பற்றி பேச வேண்டும்.நீங்களே உங்கள் மனதை தொட்டு சொல்லுங்கள் நண்பர்களே இன்றைய சூழலில் ஒரு அரசியல் கட்சியை  நடத்தி செல்ல எது முக்கியமான தேவையாக இருக்கிறது பணம் ,அதிகாரம், ஆட்கள் (அடியாட்கள்),ஆளுமை,பேச்சாற்றல்,அனைவரையும் தன் கட்டுப்பாட்டுக்குள் வைத்திருக்கும் திறன் இவைகள் தானே.சித்திரமும் கைப்பழக்கம் செந்தமிழும் நா பழக்கம் என்பது போல ஆளுமை ஆட்சி செய்யும் பொழுதும் ,பேச்சாற்றல் மேடையில் பேசம்பொழுதும் அனுபவத்தில் தானே வந்துவிடும்.இதைத்தவிர நாம் மேல்  கூறிய தகுதிகள் அனைத்தும் சசிகலாவிடம் இருக்கிறது என்பது தான் உண்மை.கட்சியை முழுக் கட்டுப்பாட்டில் வைத்திருந்த அம்மா இருந்தவரை கட்சியில் தனக்கு கீழ் இருந்த அமைச்சர்கள் உட்பட யாரையும் கட்சியை கட்டி காக்கும் அளவிற்கான தகுதிகளை வளர்த்துக்கொள்ள விட்டது கிடையாது.தமிழகத்தில் உள்ள அணைத்து தொகுதியிலும் தன்னை  தவிர வேறு யாரையும் முன்னிலை படுத்துக்கூடாது என்பதில் கவனமாக இருந்தார் அம்மா.அப்படி அவர்கள் கொஞ்சம் அதிகாரம் மிக்கவர்களாக உருவெடுக்க தொடங்கினால் மறுநாளே அவர்களின் பதவி பறிக்கப்படும் என்கின்ற அளவில் தான் அனைவரையும் வைத்திருந்தார் ஒருவரை தவிர  அந்த ஒருவர்தான் சசிகலா.அம்மாவுக்கு பிறகு ஒவ்வொரு மாவட்டத்திலிருந்து கட்சிக்கு வரும் நிதி  ,பஞ்சாயத்து என அனைத்திலும் அதிகாரம் செலுத்தக்கூடிய நிலையில் இன்று கட்சியில் இருப்பவர் ஒருவர் மட்டுமே அவர் தான் சசிகலா.

சசிகலாவை பதவிக்கு வர விடக்கூடாது என்பது தான் எதிர்க்கட்சிகளின் தலையாய திட்டமாக இருக்கும்.ஏனென்றால் சசிகலாவை தவிர வேறு யார் கட்சியில் இருந்து முன்னிலை படுத்தப்பட்டாலும் பட்டி தொட்டியெங்கும் அவர் அதிகாரத்தின் கீழ் கொண்டுவர பல நாட்கள் ஆகும் அந்த கால தாமதம் எதிர்க்கட்சிகளுக்கு சாதகமாக இருக்கும்.அவர் மருத்துவமனையில் என்ன செய்தார் அவர் குற்றமற்றவரா இல்லையா என்கின்ற கேள்விகளையெல்லாம் கொஞ்சம் தள்ளி வைத்து விட்டு அதிமுக என்ற கட்சியின் எதிர்காலத்தை பார்ர்கும் பொழுது சசிகலா தலைமை பொறுப்பை ஏற்பது தான் நல்லது என்று தோன்றுகிறது.

பகிர்ந்து மகிழுங்கள்
சமூக →
தொடர →
பகிர →

0 comments:

கருத்துரையிடுக

ஆங்கில உள்ளீடுகளை தமிழில் மாற்ற கீழே உள்ள பெட்டியை பயன்படுத்தவும்

Related Posts Plugin for WordPress, Blogger...