தகவல்களை மின்-அஞ்சலில் பெற !
karaikal ammaiyaar Karaikal lady of angel church karaikal kailasanathaar veethi ula karaikal mosque Title of image Title of image

10-06-2017 வங்கக்கடலில் ஒரிசா மேற்குவங்கம் அருகே நிலைகொண்டுள்ள காற்றழுத்த தாழ்வுநிலையால் வரக்கூடிய வாரத்தில் தமிழகம் மற்றும் புதுச்சேரியில் மழை எப்படி இருக்கும் ?

09-06-2017 நேற்று காலை வங்கக்கடல் பகுதியில் உருவான புதிய காற்றழுத்த தாழ்வு பகுதியானது 10-06-2017 தற்பொழுது ஒரிசா ,மேற்குவங்கம் ,வங்கதேசம் ,மியன்மார் அருகே ஒரு காற்றழுத்த தாழ்வு நிலையாக நிலைகொண்டுள்ளது.இது மேலும் வலு பெற்று ஒரு காற்றழுத்த தாழ்வு மண்டலமாக மாறலாம்.தற்பொழுது நிலவும் சூழ்நிலைகளைக் கொண்டு பார்க்கையில் 11-06-2017 அன்று இரவு அல்லது 12-06-2017 அன்று காலை இந்த காற்றழுத்த தாழ்வு மண்டலம் வலுவிழந்த நிலையில் மேற்கு வங்கம் அல்லது வங்கதேசத்தில் கரையை கடக்கலாம்.அதனால் ஒரிசா ,வங்கதேசம் ,மேற்குவங்கம் ,வட ஆந்திரா மற்றும் தெலுங்கானா ,அஸ்ஸாம் உள்ளிட்ட மாநிலங்களில் அடுத்த 4 - 5 நாட்களுக்கு கன மழைக்கு வாய்ப்புள்ளது.

இந்த காற்றழுத்த தாழ்வு மணடலத்தால் தமிழ்நாடு மற்றும் புதுச்சேரி மாநிலத்தில் மழை எப்படி இருக்கும் ? 
இந்த காற்றழுத்த தாழ்வு மண்டலத்தால் தமிழ்நாடு மற்றும் புதுச்சேரி மாநிலங்களுக்கு நேரடியாக மழை கிடைக்க வாய்ப்பில்லை. அதுமட்டுமல்லாமல் வங்கக்கடல் பகுதியில் தமிழகம் மற்றும் புதுச்சேரிக்கு அருகே புதிதாக உருவாகும் மழை மேகங்கள் அனைத்தும் இந்த காற்றழுத்த தாழ்வு மண்டலத்தின் விசையால் வட கிழக்கு திசையில் இழுக்கப்படும் அதனால் அந்த வகையில் தமிழகம் மற்றும் புதுச்சேரியின்  வட கடலோர மாவட்டங்களுக்கு இருக்கும் மழைக்கான வாய்ப்பை இது குறைக்கும்.இனி வரக்கூடிய வாரத்தில் தமிழகம் மற்றும் புதுச்சேரியின் உள் மற்றும் வட கடலோர பகுதிகள்  அனைத்தும் வெப்ப சலனத்தினால் ஏற்பட கூடிய மழையை தான் முழுதாக நம்பி இருக்க வேண்டும்.அவ்வாறு வெப்ப சலனத்தினால் தமிழக உள் பகுதிகளில் மழை மேகங்கள்  உருவாகும் பொழுது இந்த காற்றழுத்த தாழ்வு மண்டலத்தின் விசையால் வட கடலோர மாவட்டங்கள் பலன் அடையும்.மற்றபடி தென்மேற்கு பருவமழையாலோ புதிதாக வங்கக்கடலில் உருவாகியிருக்கும் காற்றழுத்த தாழ்வு நிலையாலோ தமிழகம் மற்றும் புதுச்சேரியின் வட கடலோர  மற்றும் உள் மாவட்டங்களில் மழைக்கான வாய்ப்பு இருப்பதாக தெரியவில்லை.

10-06-2017 க்கு பிறகு தமிழகம் மற்றும் புதுச்சேரியில் இந்த மாதத்தில் மழைக்கு வாய்ப்பே இல்லையா ? 
ஏன் இல்லை தற்பொழுது தென்மேற்கு பருவ மழை காரணமாக கேரளாவில் நல்ல மழை பெய்து வருகிறது அதனால் கேரள மாநிலத்தை ஒட்டியுள்ள தமிழக பகுதிகள் மற்றும் தமிழக தென் கடலோர மாவட்டங்கள் பலன் பெரும் அதைப்போன்று வெப்ப சலனம் காரணமாக உருவாகும் மழையால் தமிழகத்தின் உள் மற்றும் வட கடலோர மாவட்டங்கள் பலன் பெரும்.ஆனால் அடுத்து வரக்கூடிய வாரத்திற்கு தமிழகம் மற்றும் புதுச்சேரியில் பெரிய அளவிலான மழைக்கு வாய்ப்புகள் மிகவும் குறைவு .

பகிர்ந்து மகிழுங்கள்
சமூக →
தொடர →
பகிர →

0 comments:

கருத்துரையிடுக

ஆங்கில உள்ளீடுகளை தமிழில் மாற்ற கீழே உள்ள பெட்டியை பயன்படுத்தவும்

Related Posts Plugin for WordPress, Blogger...