தகவல்களை மின்-அஞ்சலில் பெற !
karaikal ammaiyaar Karaikal lady of angel church karaikal kailasanathaar veethi ula karaikal mosque Title of image Title of image

29-08-2017 (நாளை ) வேளாங்கண்ணி புனித ஆரோக்கிய அன்னை பேராலயத் திருவிழா கொடியேற்றத்துடன் தொடங்க இருக்கிறது - வெளியூர்களில் இருந்து நாகை மற்றும் காரைக்கால் வழியாக நடைபயணமாக வேளாங்கண்ணிக்கு செல்லும் பக்தர்களின் எண்ணிக்கை அதிகரிப்பு

நாகபட்டினம் மாவட்டம் வேளாங்கண்ணியில் உலகப்புகழ் பெற்ற புனித ஆரோக்கிய மாதா பேராலயம் உள்ளது. அத்தேவாலயத்தின் ஆண்டுத் திருவிழாவானது நாளை 29-08-2017 (செவ்வாய்க்கிழமை ) அன்று கொடியேற்றத்துடன் தொடங்க இருக்கிறது.இந்த நிகழ்வில் கலந்துக்கொள்ள இந்தியாவின் பல்வேறு பகுதிகளிலில் இருந்தும் வெளிநாடுகளில் இருந்தும் பக்தர்கள்  வேளாங்கண்ணிக்கு வருகை புரிவர்,அந்த வகையில் நாளை வேளாங்கண்ணியில் கொடியேற்றத்துடன் தொடங்க இருக்கும் ஆண்டுத் திருவிழாவுக்காக காரைக்கால் ,நாகப்பட்டினம் மார்க்கமாக வரும் பக்தர்களின் எண்ணிக்கை கடந்த சில நாட்களாக அதிகரித்து வருகிறது.

காரைக்காலில் இருந்து சுமார் 30 கி.மீ தொலைவில் அமைந்திருக்கும் வேளாங்கண்ணிக்கு, புனித ஆரோக்கிய மாதா தேவாலய ஆண்டுத்திருவிழாவில் பங்கேற்பதற்காக நாட்டின் பல்வேறு பகுதிகளில் இருந்தும் பக்தர்கள் காவி உடை அணிந்து ,மாதா தேர் ,மாத கோடி ஆகியவற்றை சுமந்தபடி நடைபயணமாக வேளாங்கண்ணிக்கு வந்து சேருவர்.நாளை கொடியேற்றத்துடன் தொடங்க இருக்கும் வேளாங்கண்ணி ஆலய திருவிழாவால் இன்று காரைக்கால் மற்றும் நாகப்பட்டினம் பகுதிகளில் காவி உடை அணிந்து நடந்து வரும் பக்தர்களின் எண்ணிக்கை தொடர்ந்து அதிகரித்து வருகிறது இந்த எண்ணிக்கையானது இன்று மாலை முதல் மேலும் அதிகரிக்கலாம் என எதிர்பார்க்கப்படுகிறது.


பகிர்ந்து மகிழுங்கள்
சமூக →
தொடர →
பகிர →

0 comments:

கருத்துரையிடுக

ஆங்கில உள்ளீடுகளை தமிழில் மாற்ற கீழே உள்ள பெட்டியை பயன்படுத்தவும்

Related Posts Plugin for WordPress, Blogger...