தகவல்களை மின்-அஞ்சலில் பெற !
karaikal ammaiyaar Karaikal lady of angel church karaikal kailasanathaar veethi ula karaikal mosque Title of image Title of image

2017 செப்டம்பர் மாதம் இனி வரக்கூடிய நாட்ககளில் தமிழகம் மற்றும் புதுச்சேரியில் வானிலை எப்படி இருக்கும் ?

2017 செப்டம்பர் மாதம் தொடக்கத்திலயே கடந்த மூன்று நாட்களாக அதாவது 01-09-2017 முதல் 03-09-2017 வரை தமிழகத்தின் உள் மாவட்டங்களில் பல்வேறு பகுதிகளில் நல்ல மழை பெய்துள்ளது.இன்னும் 40 முதல் 60 நாட்களில் தமிழகம் மற்றும் புதுச்சேரி வட கிழக்கு பருவமழையை எதிர்நோக்கியுள்ள நிலையில் கிழக்கு திசையில் இருந்து வீசும் காற்றின் வேகம் அதிகரித்து இருக்கிறது இதனால் கடந்த மாதங்களை போன்று தமிழக உள் மாவட்டங்களில் உருவாகும் மழை மேகங்கள் விறுவிறுவென வங்கக்கடலை நோக்கி கிழக்கு திசையில் வேகமாக நகர்ந்து வராமல் நின்று நிதானமாக ஒரு குறிப்பிட்ட பகுதியில் அதிக மழையை வழங்கிவருகின்றன.இதனால் தமிழக உள் மாவட்டங்களின்  ஒரு சில பகுதிகளில் அதிக மழை பதிவாகி வருகிறது சில நேரங்களில் மழைமேகங்கள் மேற்கு நோக்கியும் நகர முற்படுகின்றன ஆனால் அதிக தூரம் அவைகள் அப்படியே பயணிப்பது கிடையாது இனி வரக்கூடிய சில நாட்களுக்கும் இந்த நிலை தொடரும் என எதிர்பார்க்கலாம்.

அடுத்து வரக்கூடிய நாட்களை பொறுத்தவரையில் அதாவது 05-09-2017 முதல் 14-09-2017 வரை தமிழகத்தின் பல்வேறு பகுதிகளில் நல்ல மழையை எதிர்பார்க்கலாம்  இதற்கு முந்தைய நாட்களுடன் ஒப்பிடும் அளவு மழை இல்லாவிட்டாலும்  ஓரளவு கணிசமான மழையை பரவலாக எதிர்பார்க்கலாம் 14-09-2017 க்கு பிறகு ஒரு சில பகுதிகளில் குறிப்பாக தென் மாவட்டங்களில் மழையின் அளவு குறைவது போல் தோன்றினாலும் அதற்கு பிறகு வரும் செப்டம்பரின் இறுதி வாரத்தில் மீண்டும் மழையின் அளவு மேற்கு தொடர்ச்சி மாவட்டங்களிலும் தென் மாவட்டங்களிலும் அதிகரிக்க வாய்ப்புள்ளது.

08-09-2017 முதல் அரபிக்கடலை ஒட்டியுள்ள தென் மாநிலங்களின் கடலோர பகுதிகளில் மழையின் அளவு அதிகரிக்கும் இதனால் கேரளாவை ஒட்டியுள்ள தமிழக மாவட்டங்கள் பயனடையும்.11-09-2017 அல்லது 12-09-2017 ஆம் தேதிகளில் அரபிக்கடல் பகுதியில் ஒரு காற்றழுத்த தாழ்வு பகுதி உருவாகவும் வாய்ப்புகள் உள்ளது அது பெரும்பாலும் மேற்கு திசையை நோக்கியே நகரும் அப்பொழுது மீண்டும் உள் மாவட்டங்களிலும் ,கடலோர மாவட்டங்களிலும் மழையின் அளவு அதிகரிக்க தொடங்கலாம்.


பகிர்ந்து மகிழுங்கள்
சமூக →
தொடர →
பகிர →

0 comments:

கருத்துரையிடுக

ஆங்கில உள்ளீடுகளை தமிழில் மாற்ற கீழே உள்ள பெட்டியை பயன்படுத்தவும்

Related Posts Plugin for WordPress, Blogger...