தகவல்களை மின்-அஞ்சலில் பெற !
karaikal ammaiyaar Karaikal lady of angel church karaikal kailasanathaar veethi ula karaikal mosque Title of image Title of image

சென்னையில் இர்மா புயலா ? சமூக ஊடங்கங்களில் பரவி வரும் வதந்திகளால் பரபரப்பு - உண்மையில் இர்மா புயல் போன்றதொரு புயல் தமிழகத்துக்கு அருகில் உருவாவதற்கு வாய்ப்புகள் உண்டா ? ஒரு தெளிவான பார்வை

தமிழ்நாடு மாநில நில பயன்பாட்டு ஆராய்ச்சி மையம் மற்றும் இந்திய - ஜெர்மன் சஸ்டைனபிலிட்டி மையம் ஐ ஐ டி சென்னையுடன் இனைந்து  நடத்திய ஆய்வு ஒன்றில் சென்னையில் வருங்காலங்களில் சமீபத்தில் அமெரிக்காவின் புளோரிடா மாகாணத்தை தாக்கிய ஸ்டேஜ் 5 (அதி பயங்கர புயலான ) இர்மாவை போல வலிமைமிக்க புயல்கள் தாக்க வாய்ப்புள்ளதாக தெரியவந்துள்ளது.இந்த தகவல் சில தினங்களுக்கு முன் இந்தியாவின் பிரபலமான நாளிதழ் ஒன்றில் வெளியாகி பரபரப்பை ஏற்படுத்தியது.அது வெளியாகிய பொழுது இருந்த பரபரப்பை விட அதன் பின் சமூக வலைத்தளங்கள் மற்றும் வாட்ஸஆப்பில் அந்த தகவல் வெளியாகிய பொழுது பொதுமக்களிடம் அதிக தாக்கத்தை ஏற்படுத்தியது தற்பொழுதும் ஏற்படுத்தி வந்துகொண்டுள்ளது என்றால் அது மிகையாகுது.இதற்கு முக்கிய காரணம் சமூக வலைத்தளங்களில் ஒரு தகவல் ஒருவரிடம் இருந்து இன்னொருவரிடம் பகிரப்படும் பொழுது அதற்கு கண்ணு ,காது ,மூக்கு எல்லாம் உருவாகிவிடுகிறது அம்மா சில தங்களது சொந்தக் கருத்துக்களையும் அதனுடன் இணைந்து விடுகின்றனர் அதில் ஒன்று தான் இந்த நவம்பர் மாத இறுதியில் இர்மா போன்றதொரு புயல் சென்னையை தாக்கும்  என்ற வதந்தி.

சரி உண்மையில் அந்த ஐ ஐ டி சென்னையின் ஆய்வில் தெரியவந்தது என்ன? 
அந்த நாளிதழில் வழங்கியிருக்கும் முக்கிய தகவல்களை அப்படியே தமிழாக்கம் செய்கிறேன் கேளுங்கள்.அடுத்த மூன்று பத்தாண்டுகளில் அதாவது 30 ஆண்டுகளில் சென்னையின் அருகே உள்ள கடல் நீர் மட்டம் 4.35 மீட்டர் முதல் 6.85 மீட்டர் வரை உயர வாய்ப்புள்ளதாகவும் அதனால் 1,963 சதுர கிலோமீட்டர் நிலப்பரப்பு பாதிப்புக்கு உள்ளாக  வாய்ப்பு இருப்பதாகவும்  அதில் தெவிக்கப்பட்டுள்ளது.இந்த கடல் நீர் மட்ட உயர்வுக்கு ஏற்றாற்போல் கடலோர பாதுகாப்பு திட்டங்களை செயல்படுத்தா விட்டால் தமிழகம் மிகப்பெரிய பாதிப்புகளை சந்திக்க வேண்டியிருக்கும் என்று அதில் எச்சரிக்கை விடுக்கப்பட்டுள்ளது மேலும் கடலோர கட்டுப்பாட்டு மண்டலங்களில் மேலாண்மை பணிகளை மேற்கொள்வது தற்பொழுது முக்கியம் எனவும் அதில் தெரிவிக்கப்பட்டுள்ளது.கடந்த 2016  ஆம் ஆண்டு டிசம்பர் மாதம் சென்னையின் அருகே கரையை கடந்த வர்தா புயலால் சென்னையின் கடல் நீர் மட்டம் 20 அடி வரை உயர்ந்துள்ளதாகவும் அதில் தெரிவிக்கப் பட்டுள்ளது மேலும் கடல் நீர் மட்டம் 1 மீட்டர் உயர்ந்தால் 38.2 சதுர கிலோமீட்டர் நிலப்பரப்பு பாதிப்புக்கு உள்ளாகும் எனவும் அதனால்  மக்கள் குடியிருப்பு பகுதிகள் ,வணிக நிறுவனங்கள் ,தொழிற்சாலைகள் உட்பட அந்த நிலப்பரப்பில் உள்ள அனைத்துமே பாதிப்புக்கு உள்ளாகும் எனவும் தெரிவிக்கப்பட்டுள்ளது அதுவே 3 மீட்டர் வரை கடல் நீர் மட்டம் உயர்கிறது என்றால் திட்டத்திட்ட 101.96 சதுர கிலோமீட்டர் பாதிப்புக்கு உள்ளாகும் என அதில் கூறப்பட்டுள்ளது ஆகையால் சென்னையில் தற்பொழுது ஏற்பட்டு இருக்கும் இந்த கடல் நீர் மட்டத்தின் உயர்வால் வருங்காலங்களில் இர்மா வை போல அதி பயங்கர புயல்களை எதிர்கொள்ளும்  நிலை ஏற்படும் எனவும் அதில் தெரிவிக்கப்பட்டுள்ளது.

ஆக மொத்தத்தில் அதில் தெரிவிக்கப்பட்டு உள்ளது என்னவென்றால் கடல் நீர் மட்டம் உயர்வதால் அடுத்த 30 ஆண்டுகளில் சென்னைக்கு அருகே சக்தி வாய்ந்த புயல்கள் உருவாக வாய்ப்பு இருப்பதாகவும் அதற்கான பாதுகாப்பு முன்னேற்பாடுகளை துரிதப்படுத்தவும் அதில் அறிவுறுத்தப்பட்டுள்ளது அவ்வளவு தான். அந்த சக்தி வாய்ந்த புயலுக்கு உதாரணமாக இர்மா புயலை குறிப்பிட்டு இருக்கின்றனர்.

இதில் நவம்பர் மாதம் இர்மா போன்றதொரு புயல் உறவாகும் என்ற தகவலை யார் கிளப்பிவிட்டது என்று தான் தெரியவில்லை அப்படியே ஒரு சக்தி வாய்ந்த புயல் சென்னைக்கு அருகே உருவாக வாய்ப்பு இருந்தாலும் அதனை 10 முதல் 15 நாட்களுக்கு முன்னதாகவே நம்மால் கணித்து விட முடியும் அத்தகைய தொழில் நுட்ப வளர்ச்சி நம்மிடம் உண்டு ஆகையால் அதற்கான முன்னேற்பாடுகளையும்  செய்து விடலாம் அப்படியிருக்க தேவையற்ற வதந்திகளை நம்பி அதையே உண்மையென அனைவருக்கும் பகிர்ந்து பரப்பி வருவது போன்ற ஒரு செயலை சிந்திக்கும் திறன் கொண்ட யாரும் செய்யமாட்டார்கள் என்று நம்புகிறேன்.

பகிர்ந்து மகிழுங்கள்
சமூக →
தொடர →
பகிர →

0 comments:

கருத்துரையிடுக

ஆங்கில உள்ளீடுகளை தமிழில் மாற்ற கீழே உள்ள பெட்டியை பயன்படுத்தவும்

Related Posts Plugin for WordPress, Blogger...