தகவல்களை மின்-அஞ்சலில் பெற !
karaikal ammaiyaar Karaikal lady of angel church karaikal kailasanathaar veethi ula karaikal mosque Title of image Title of image

08-10-2018 அடுத்து வரக்கூடிய வாரத்தில் தமிழகம் மற்றும் புதுச்சேரியில் வானிலை எப்படி இருக்கலாம் ?

08-10-2018 நேரம் மாலை 4:00 மணி தற்பொழுது தென்மேற்கு அரபிக்கடல் பகுதியை ஒட்டியுள்ள மேற்கு மத்திய அரபிக்கடல் பகுதியில் நிலைகொண்டிருக்கும் அந்த #லூபன் (#LUBAN) புயலானது மணிக்கு 18 கி.மீ வேகத்தில் மேற்கு - வட மேற்கு திசையில் தெற்கு ஓமன் மற்றும் ஏமன் நாட்டு கடல் பகுதிகளை நோக்கி நகர்ந்து வருகிறது மேடன் -ஜூலியன் அலைவு (Madden-Julian Oscillation) ஆனது அடுத்து வரக்கூடிய நாட்களில் அதன் இரண்டாவது கட்டத்துக்கு வர வாய்ப்புகள் இருப்பதால் #லூபன் (#LUBAN) புயல் மேலும் தீவிரமடைந்து ஒரு தீவிர புயலாக (Severe Cyclone) அடுத்து வரக்கூடிய நாட்களில் உருவெடுக்க வழிவகை செய்கிறது.அதன் பின்னர் அது 13-10-2018 அல்லது அதற்கு பிறகு வரக்கூடிய நாட்களில் ஏமன் நாட்டின் கடலோர பகுதிகளை நெருங்க முற்படலாம் அங்கு நிலவி வரும் சாதகமற்ற சூழல்கள் காரணமாக அது சற்று வலுகுறைந்து ஏடன் வளைகுடா பகுதிகளுக்குள் நுழைந்து அதன் அருகே இருக்கும் சோமாலியா நாட்டின் வடக்கு பகுதிகளில் கரையை கடக்கலாம் என்றும் சில மாதிரிகளின் தகவல்கள் தெரிவிகின்றன .எதுவாயினும் இதனால் தமிழகத்துக்கு எந்த வித பாதிப்பும் கிடையாது.நேரடியான மழை வாய்ப்புகள் என்றும் எதுவும் இருக்கப்போவது இல்லை.
நேற்று வங்கக்கடல் பகுதியில் அந்தமானுக்கு வட கிழக்கே நிலைகொண்டிருந்த அந்த வலுவான குறைந்த காற்றழுத்த தாழ்வு பகுதியானது வலுப்பெற்று ஒரு குறைந்த காற்றழுத்த தாழ்வு மண்டலமாக (Depression) தற்பொழுது மத்திய கிழக்கு வங்கக்கடல் பகுதியில் நிலைகொண்டுள்ளது அடுத்த சில மணி நேரங்களில் இது ஒரு ஆழ்ந்த காற்றழுத்த தாழ்வு மண்டலம் (Deep Depression) என்கிற நிலையை அடைய முற்படலாம் மேலும் அதற்கு அடுத்து வரக்கூடிய நாட்களில் அது ஒரு புயலாக உருவெடுக்கவும் வாய்ப்புகள் இருப்பதாக எதிர்பார்க்கப்படுகிறது அவ்வாறு அது ஒரு புயலாக உருவெடுக்கும் பட்சத்தில் அதற்கு பாகிஸ்தான் நாட்டின் தேர்வு சொல்லான #டிட்லி (#TITLI ) என்று பெயர் சூட்டப்படும்.அடுத்து வரக்கூடிய நாட்களில் அது வடமேற்கு திசையில் நகர்ந்து தெற்கு ஒடிசா அல்லது வடக்கு ஆந்திராவின் கடலோர பகுதிகளை அடைய முற்படலாம் என எதிர்பார்க்கப்படுகிறது.

08-10-2018 ஆகிய இன்று தமிழகத்தின் மேற்கு தொடர்ச்சி மலை மற்றும் அதனை ஒட்டியுள்ள பகுதிகளிலும் மேற்கு ,தென் ,மேற்கு உள் ,தென் உள் ,வட உள் ,கடலோர மற்றும் உள் மாவட்டங்களிலும் ஆங்காங்கே இடியுடன் கூடிய மழை பதிவாக வாய்ப்புகள் உண்டு இன்று தமிழகத்தில் ஓரளவு பரவலான மழைக்கு வாய்ப்புகள் உண்டு.

09-10-2018 ஆகிய நாளை வங்கக்கடல் பகுதியில் நிலைக்கொண்டிருக்கும் அந்த குறைந்த காற்றழுத்த தாழ்வு மண்டலமானது வலு பெற்று வட மேற்கு திசையில் நகர்ந்து செல்கையில் தென் கிழக்கு திசையில் இருந்து காற்றை தம்வசம் இழுப்பதால் தமிழக தென் மாவட்டங்களில் காற்று வலு பெறுகிறது இதன் காரணமாக நாளை தமிழக தென் மற்றும் தென் உள் மாவட்டங்களில் ஆங்காங்கே இடியுடன் கூடிய மழை பதிவாக வாய்ப்புகள் உள்ளது.வட தமிழகத்தில் மழையின் அளவு குறைந்து பெரும்பாலான இடங்களில் வறண்ட வானிலையே நிலவ தொடங்க வாய்ப்புகள் உள்ளது.

10-10-2018 ஆம் தேதி அன்றும் அதற்கு அடுத்து வரக்கூடிய சில நாட்களிலும் வட மற்றும் வட கடலோர மாவட்டங்களில் பகல் நேர வெப்பநிலையானது மேலும் அதிகரிக்க வாய்ப்புகள் உள்ளது.அந்த காற்றழுத்த தாழ்வு மண்டலத்தின் அடுத்த கட்ட நகர்வுகளுக்கு ஏற்ப தென் மாவட்டங்களில் சில இடங்களில் அவ்வப்பொழுது மழைக்கு வாய்ப்புகள் உண்டு குறிப்பாக நெல்லை மற்றும் குமரி மாவட்டங்களில் அவ்வப்பொழுது மழை பதவாகலாம்.தற்பொழுது பதிவிட்டு வருவதை போலவே தினந்தோறும் மழைக்கான வாய்ப்புகளை அன்றன்றைக்கு பிற்பகலில் பதிவிடுகிறேன்.

14-10-2018 அல்லது அதற்கு அடுத்து வரக்கூடிய நாட்களில் தமிழகத்தில் மழையின் அளவு மீண்டும் அதிகரிக்க தொடங்கலாம் 15-10-2018 ஆம் தேதி வாக்கில் கிழக்கு திசை காற்று மீண்டும் வலுப்பெற தொடங்கலாம் 15-10-2018 முதல் 20-10-2018 ஆம் தேதிவரை உள்ள ஏதேனும் ஒரு நாளில் வட கிழக்கு பருவமழை தமிழகத்தில் தொடங்கியதாக அறிவிப்பு வெளியாகலாம்.

நான் குறிப்பிட்டு இருக்கும் மழைக்கான வாய்ப்புகள் அனைத்தும் தற்பொழுது வங்கக்கடல் பகுதியில் நிலவி வரும் அந்த குறைந்த காற்றழுத்த தாழ்வு மண்டலத்தின் அடுத்தக்கட்ட நகர்வுகளை பொறுத்து மாறுதல்களுக்கு உட்பட்டவை.மேலும் நான் மேலே குறிப்பிட்டு இருக்கும் தகவல்கள் அனைத்தும் தற்பொழுது நிலவி வரும் வானிலை சூழல்களை உள்ளடக்கிய ஒரு கணிப்பு தான்.இதில் மாற்றங்கள் ஏற்படும் பட்சத்தில் மீண்டும் பதிவிடுகிறேன்.


பகிர்ந்து மகிழுங்கள்
சமூக →
தொடர →
பகிர →

0 comments:

கருத்துரையிடுக

ஆங்கில உள்ளீடுகளை தமிழில் மாற்ற கீழே உள்ள பெட்டியை பயன்படுத்தவும்

Related Posts Plugin for WordPress, Blogger...