தகவல்களை மின்-அஞ்சலில் பெற !
karaikal ammaiyaar Karaikal lady of angel church karaikal kailasanathaar veethi ula karaikal mosque Title of image Title of image

25-04-2019 வங்கக்கடல் பகுதியில் உருவான காற்றுழத்த தாழ்வு பகுதி - அதன் நகர்வுகள் எப்படி இருக்கலாம் ?

25-04-2019 நேரம் பிற்பகல் 1:40 மணி கடந்த பதிவுகளில் நான் குறிப்பிட்டு இறந்தது போல தற்பொழுது தெற்கு மத்திய வங்கக்கடல் பகுதி மற்றும் அதனை ஒட்டியுள்ள பூமத்திய ரேகை அருகே உள்ள வட கிழக்கு இந்திய பெருங்கடல் பகுதியில் ஒரு குறைந்த காற்றழுத்த தாழ்வு பகுதி (Low Pressure Area) நிலவி வருகிறது.நான் முன்பே பதிவிட்டு இருந்தது போல மேடன்-ஜூலியன் அலைவு (MJO) ஆனது தற்பொழுது சாதகமான கட்டத்தில் இருப்பதால் அடுத்து வரக்கூடிய நாட்களில் இந்த குறைந்த காற்றழுத்த தாழ்வு பகுதி வலுவடைந்து அதன் அடுத்தடுத்த நிலையை எட்ட மிக சாதகமான சூழல் நிலவி வருகிறது.இந்த குறைந்த காற்றழுத்த தாழ்வு பகுதி அடுத்த சில மணி நேரங்களில் மேலும் வட மேற்கு திசையில் நகர முற்பட்டு 26-04-2019 ஆகிய நாளை அல்லது 27-04-2019 ஆகிய நாளை மறுநாள் தென்மேற்கு மற்றும் அதனை ஒட்டியுள்ள தெற்கு மத்திய வங்கக்கடல் பகுதிகளில் ஒரு குறைந்த காற்றழுத்த தாழ்வு மண்டலமாக (Depression)உருவெடுக்கலாம் மேலும் தற்போதைய சூழல்களே தொடரும் பட்சத்தில் அதற்கு அடுத்து வரக்கூடிய நாட்களில் அது ஒரு புயலாக உருவெடுக்கவும் அதிக வாய்ப்புகள் உள்ளது.அவ்வாறு அது ஒரு புயலாக உருவெடுக்கும் பட்சத்தில் அதற்கு #வங்கதேச நாட்டின் தேர்வு சொல்லான #FANI என்ற பெயர் சூட்டப்படும்.

நான் முன்பு நேற்று இரவு நமது பக்கத்தில் நேரலையில் தெரிவித்து இருந்தது போல கிழக்கு மற்றும் அதனை ஒட்டியுள்ள மத்திய வங்கக்கடல் பகுதிகளில் நிலவி வரும் அதிகமான அழுத்தத்தின் காரணமாக அது மேற்கு நோக்கி தள்ளப்படும்.இதன் காரணமாக 29-04-2019 அல்லது 30-04-2019 ஆம் தேதிகளின் வாக்கில் அது தமிழக கடலோர பகுதிகளை ஒட்டியுள்ள கடல் பகுதிகளை நெருங்க வாய்ப்புகள் அதிக வாய்ப்புகள்  உள்ளதுஅதே தற்போதைய சூழல்களில் அது பெரும்பாலும் தமிழகம் அல்லது ஆந்திர கடலோர பகுதிகளில் கரையை கடக்க முற்படவே அதிக வாய்ப்புகள் உள்ளது. அது வட தமிழக கடலோர பகுதிகளை நெருங்கி பின்னர் ஆந்திர கடலோரத்தை ஒட்டியே பயணிக்கலாம் என்பதைப் போன்ற தகவலை மாதிரிகளும்  வெளிப்படுத்த தொடங்கியுள்ளன.நான் முன்பே குறிப்பிட்டு இருந்தது போல அது தமிழகம் மற்றும் ஆந்திராவில் எந்த பகுதியில் கரையை கடக்கும் என்பதை இப்பொழுதே உறுதிப்படுத்த முடியாது.தமிழக பகுதிகளின் மழைக்கான வாய்ப்புகளும் அந்த புயல் தமிழகம் அருகே உள்ள கடல் பகுதியை நெருங்குகையில் தான் தெரியவரும் அதற்கு குறைந்தது 28-04-2019 ஆம் தேதி வரையிலாவது காத்திருக்க வேண்டும்.

அந்த குறைந்த காற்றழுத்த தாழ்வு பகுதியின் நகர்வுகள் தொடர்பாக நமது பக்கத்தில் அவ்வப்பொழுது பதிவிடுகிறேன்.


அனைவருக்கும் எனது பிற்பகல் நேர வணக்கங்களை தெரிவித்து கொள்கிறேன்.



பகிர்ந்து மகிழுங்கள்
சமூக →
தொடர →
பகிர →

0 comments:

கருத்துரையிடுக

ஆங்கில உள்ளீடுகளை தமிழில் மாற்ற கீழே உள்ள பெட்டியை பயன்படுத்தவும்

Related Posts Plugin for WordPress, Blogger...