தகவல்களை மின்-அஞ்சலில் பெற !
karaikal ammaiyaar Karaikal lady of angel church karaikal kailasanathaar veethi ula karaikal mosque Title of image Title of image

11-07-2019 அடுத்து வரக்கூடிய வாரத்தில் தமிழகம் மற்றும் புதுச்சேரியில் வானிலை எப்படி இருக்கலாம்?

11-07-2019 பிற்பகல் 2:35 மணி 13-07-2019 அல்லது 14-07-2019 ஆம் தேதிகளில் வாக்கில் தமிழகம் மற்றும் புதுச்சேரியில் வெப்பசலன மழையின் அளவு மீண்டும் அதிகரிக்கலாம்.11-07-2019 ஆகிய இன்றும் 12-07-2019 ஆகிய நாளையும் தமிழகத்தில் ஆங்காங்கே சில இடங்களில் வெப்பசலன மழை பதிவாகலாம்.கடந்த 2 நாட்களுடன் ஒப்பிடுகையில் இன்றும் நாளையும் வெப்பசலன மழையின் அளவு சற்று குறைந்து இருக்க வாய்ப்புகள் உள்ளது.மழை பதிவாக வாய்ப்புகள் உள்ள பகுதிகள் தொடர்பாக அன்றைன்றைக்கு நிகழ் நேரத்தில் பதிவிடுகிறேன்.14-07-2019 ஆம் தேதி மற்றும் அதற்கு அடுத்து வரக்கூடிய நாட்களில் கேரளாவிலும் ஆங்காங்கே சற்று வலுவான மழை பதிவாக வாய்ப்புகள் உள்ளது.தமிழக மேற்கு தொடர்ச்சி மலை பகுதிகளிலும் அவ்வப்பொழுது சற்று வலுவான மழை பதிவாகலாம்.நான் இதற்கு முந்தைய பதிவுகளில் குறிப்பிட்டு இருந்தது போல தமிழகம் , கேரளம் , கர்நாடக மாநில காவிரி நீர்ப்பிடிப்பு பகுதிகள் மற்றும் இமயமலை அடிவார பகுதிகளை தவிர நாட்டின் பிற மாநிலங்களின் அநேக இடங்களிலும் 14-07-2019 ஆம் தேதிக்கு பிறகு அடுத்து வரக்கூடிய நாட்களில் மழையின் அளவு குறைந்திருக்க வாய்ப்புகள் உள்ளது.பருவமழை முறிவு (#Break_Monsoon) தொடர்பாக நான் கடந்த பதிவுகளிலேயே அதாவது கடந்த வாரத்திற்கான மழை வாய்ப்புகள் தொடர்பாக 03-07-2019 ஆம் தேதி அன்று எழுதிய பதிவிலேயே விளக்கியுள்ளேன்.உங்களுக்கு இந்த பருவமழை முறிவு (#Break_Monsoon) தொடர்பாக எதாவது சந்தேகம் இருப்பின் அந்த பதிவினை ஒரு முறை பாருங்கள்.13-07-2019 ஆம் தேதி அல்லது அதற்கு பிறகு புதுச்சேரி , சென்னை ,திருவள்ளுர் ,காஞ்சிபுரம் ,விழுப்புரம் ,கடலூர் உட்பட வட கடலோர மாவட்டங்களின் பல இடங்களிலும் மழையின் அளவு அதிகரிக்க வாய்ப்புகள் உள்ளது.

அடுத்து வரக்கூடிய வாரங்களில் குறிப்பாக 20-07-2019 அல்லது 21-07-2019 ஆம் தேதிகளின் வாக்கில் கேரளாவில் தென்மேற்கு பருவமழை அதிகரிக்க தொடங்க வாய்ப்புகள் உள்ளது.குறிப்பாக இந்த மாத இறுதி வாரத்தில் 24-07-2019 அல்லது 25-07-2019 ஆம் தேதிகளின் வாக்கில் தென்மேற்கு பருவமழை கேரளாவிலும் அதனை ஒட்டியிருக்கும் தெற்கு கர்நாடகாவிலும் தீவிரமடைய வாய்ப்புகள் உள்ளது.

நான் மேலே பதிவிட்டு இருக்கும் தகவல்கள் அனைத்தும் தற்பொழுது நிலவி வரும் வானிலை சூழல்களை அடிப்படையாக கொண்ட கணிப்புகள் தான்.இதை மாற்றங்கள் ஏதேனும் ஏற்படும் பட்சத்தில் மீண்டும் பதிவிடுகிறேன்.

https://www.youtube.com/watch?v=DEYf72r9FjQ


பகிர்ந்து மகிழுங்கள்
சமூக →
தொடர →
பகிர →

0 comments:

கருத்துரையிடுக

ஆங்கில உள்ளீடுகளை தமிழில் மாற்ற கீழே உள்ள பெட்டியை பயன்படுத்தவும்

Related Posts Plugin for WordPress, Blogger...