தகவல்களை மின்-அஞ்சலில் பெற !
karaikal ammaiyaar Karaikal lady of angel church karaikal kailasanathaar veethi ula karaikal mosque Title of image Title of image

05-12-2019 அடுத்து வரக்கூடிய வாரத்தில் வானிலை எப்படி இருக்கலாம் | 2019 december 5 upcoming week weather overlook

05-12-2019 அடுத்து வரக்கூடிய வாரத்தில் வானிலை எப்படி இருக்கலாம்?

05-12-2019 நேரம் மாலை 4:00 மணி தற்சமயம் நான் முன்பு பதிவிட்டு இருந்தது போல #கூடங்குளம் உட்பட நெல்லை மாவட்ட கடலோர பகுதிகளிலும்  #கன்னியாகுமரி உட்பட #கன்னியாகுமரி மாவட்டடத்திலும் ஆங்காங்கே மழை பதிவாகி கொண்டு வருவதை அறிய முடிகிறது.மேலும் நான் முன்பு பதிவிட்டு இருந்தது போல மாலத்தீவுகள் கடல் பகுதிகளை ஒட்டிய இந்திய பெருங்கடல் பகுதியில் ஒரு குறைந்த காற்றழுத்த அகடு நிலைகொண்டுள்ளது மேலும் அது மேற்கு நோக்கி நகர்ந்து வருகிறது இதன் காரணமாக தமிழக கடலோர மாவட்டங்களில் கிழக்கு திசை காற்றின் வேகம் அதிகரித்துள்ளது.இன்று அடுத்த 24 மணி நேரத்தில் தூத்துக்குடி ,நெல்லை ,கன்னியாகுமரி ,ராமநாதபுரம் மற்றும் புதுக்கோட்டை மாவட்ட கடலோர பகுதிகளில் ஆங்காங்கே சில இடங்களில் மழை பதிவாகலாம் மேலும் #கோடியக்கரை உட்பட  #நாகை மாவட்ட தெற்கு பகுதிகளிலும் அங்கும் இங்குமாக சில இடங்களில் மழை பதிவாக வாய்ப்புகள் உண்டு மேலும் #தென்காசி , விருதுநகர் ,சிவகங்கை மாவட்டத்தின் சில பகுதிகள் உட்பட தென் உள் மாவட்டங்களிலும் ஒரு சில இடங்களில் மழை பதிவாகலாம்.

06-12-2019 ஆகிய நாளை நாகப்பட்டினம் மாவட்டத்தின் சில பகுதிகள் உட்பட ராமநாதபுரம் ,தூத்துக்குடி உள்ளிட்ட தென் கடலோர மாவட்டங்களில் அங்கும் இங்குமாக சில இடங்களில் மழை பதிவாகலாம்.வாய்ப்புகள் கூடிவந்தால் திருவாரூர் மாவட்டத்தின் சில பகுதிகளிலும் மழை பதிவாகலாம்.

07-12-2019 ஆகிய நாளை மறுநாள் வட கடலோர மாவட்டங்களின் சில பகுதிகள் உட்பட தென் கடலோர மாவட்டங்களிலும் அங்கும் இங்குமாக மழை பதிவாக வாய்ப்புகள் உள்ளது அது மட்டுமல்லாது தென் உள் ,உள் மற்றும் வட உள் மாவட்டங்களிலும் அன்று ஆங்காங்கே சில இடங்களில் மழை பதிவாகலாம்.

08-12-2019 ஆம் தேதியை பொறுத்தவரையில் 07-12-2019 ஆம் தேதி நிலவும் சுழல்களே தொடரும்.

09-12-2019 ஆம் தேதி முதல் தமிழகத்தில் மழையின் அளவு மேலும் குறைய தொடங்கலாம்.பனிப்பொழிவு மேலும் அதிகரிக்க வாய்ப்புகள் உள்ளது குறிப்பாக 09-12-2019 ஆம் தேதிக்கு பிறகு  உதகை உட்பட நீலகிரி மாவட்டத்தின் பல்வேறு பகுதிகளிலும் அதிகாலை நேரங்களில் நில உறைப்பனி (Ground Frost) ஏற்பட வாய்ப்புகள் உள்ளது.அதேபோல கொடைக்கானல் ,மூணாறு ,வால்பாறை சுற்றுவட்டப் பகுதிகள் மற்றும் அதற்கு இடையே உள்ள பகுதிகளில் இரவு மற்றும் அதிகாலை நேரங்களில் அதிக பணிபொழிவு உணரப்படலாம் கிட்டத்திட்ட 10°C மற்றும் அதற்கு குறைவான அளவு வெப்பமே அதிகாலை நேரங்களில் அப்பகுதிகளில் அதற்கு அடுத்து வரக்கூடிய நாட்களில் நிலவ தொடங்கலாம்.#தர்மபுரி ,#ஈரோடு மாவட்ட வடக்கு பகுதிகள் ,#சேலம் ,#கிருஷ்ணகிரி ,#திருப்பத்தூர் மற்றும் #வேலூர் மாவட்டங்களில் இந்த ஆண்டு கடுமையான பணிபொழிவு உணரப்படலாம்.09-12-2019 ஆம் அன்று மற்றும் அதற்கு அடுத்து வரக்கூடிய நாட்களிலேயே பணிப்பொழிவு மென் மேலும் அதிகரிப்பதை அம்மாவட்ட மக்கள் உணரலாம்.மற்றபடி தமிழகத்தின் அநேக இடங்களிலும் அதற்கு அடுத்து வரக்கூடிய நாட்களில் பணிப்பொழிவு அதிகரிக்கலாம்.

11-12-2019 அல்லது 12-12-2019 ஆம் தேதி முதல் தென் கடலோர மாவட்டங்கள் உட்பட தென் மாவட்டங்களில் மீண்டும் அங்கும் இங்குமாக மழை பதிவாக தொடங்கலாம்.அதற்கு அடுத்து வரக்கூடிய சில நாட்களிலும் தென் கடலோர மாவட்டங்கள் உட்பட தென் மாவட்டங்களில் அங்கும் இங்குமாக மழை பதிவாகும்.

பகிர்ந்து மகிழுங்கள்
சமூக →
தொடர →
பகிர →

0 comments:

கருத்துரையிடுக

ஆங்கில உள்ளீடுகளை தமிழில் மாற்ற கீழே உள்ள பெட்டியை பயன்படுத்தவும்

Related Posts Plugin for WordPress, Blogger...